Xoşbəxtlik ….. yoxsa “Xoşbəxtlik”?

Müasir günümüzdə bir çox insanlara sual versək ki, xoşbəxtliyi nədə görürsən ?

Ev, vəzifə, pul, maşın və s bu qəbildən maddiyatın üstünlük təşkil etdiyi istəklərin daha çox olduğunu görərik. Mən bunu necə əsaslandıra bilərəm??? sualına isə – İnanın sizdə öz ətrafınızda olan insanlar ilə söhbət etsəniz çox yox 15-20 dəqiqə onlardan istədiklərini soruşsanız hər şey daha yaxşı aydın olacaqdır. Hardasa insan özü özünə sual versə görər ki, özü istəmədən belə sırf cəmiyyətdə “dəyər” kimi göstərilir deyə yuxarıda sadaladığım şeyləri icra etməyə məcbur edilir. Əsasda bu məcburiyyət valideynlər, qohum, qonşu, nəslin ağsaqqalları tərəfindən edilirsə şansımız azdır deməkdir. Əslində xoşbəxtliyi bu cür görən insanları hardasa anlamaq olar. Cünki cəmiyyət onlardan sadaladığım şeyləri israrla tələb edir. Əgər cəmiyyətdə yaxşı universitetə girmək, yaxşı qız ilə ailə həyatı qurmaq, ancaq pul qazanmaq üçün işləyib, banklara pul yedirtib asılı hala düşmək, ancaq yüksək bal toplayan abituriyentlərə savadlı kimi baxmaq, maddi imkanları və vəzifəli olmaq kimi anlayışlar “dəyər” olaraq göstərilirsə, insanların beyninə yeridilirsə ki, bu dəyərlər olmazsa “səndən adam olmaz” o zaman həqiqətən özümüzü bədbəxt hiss edərik. Ahmet Şerif İzgörən demişkən “Həyatı 100 metrə qaçış yarışı kimi göstərirlər və yalnız qalibi bizə göstərirlər, məğlub olan 9 nəfərdən isə xəbər yoxdur”. Sonrada biz xoşbəxt olaq deyə bizə xoşbəxtliyi satırlar.

Xoşbəxt olmaq üçün xoşbəxtliyin mümkün olduğuna inanmaq lazımdır. Ölkədə fikir versək metroda, avtobusda, taksidə, parkda bütün ictimai yerlərdə insanların çoxu məyus, başı aşağı, hey nə isə düşünür, nə isə axtarır. Çünki insanlar cəmiyyət tərəfindən qoyulan , insanların özündən soruşulmadan hörmət etməyə məcbur edilən “dəyərlər” ilə doludur. Bəzi lazımsız dəyərlərə hətda adət-ənənə donu geyindirəndə isə qardaş salamatı get özünü öldür.

Yaxşı gəlin bir az dərindən fikirləşək. Görəsən 9.5 milyonluq ölkəmizdə , yaşayış minumumu 125 manat, əmək qabiliyyətli insanlar üçün 136 manat, pensiyaçılar və uşaqlar üçün 103 manat olan ölkəmizdə neçə il işləmək lazımdır ki, sənin evin , maşının, əla şəraitin olsun. Həqiqətən çox çətindir. Hətda qeyri-mümkündür.

Bu tip şeylərdən çoox danışa bilərik. Ancaq ətrafımda bəzi insanlar varki , hansı ki mənə yaxın olan insanlar arada onların kiçik şeylərdən necə xoşbəxt olmağını görəndə məndə xoşbəxt oluram. Bu həqiqətən mənim üçün vacibdir. Mən özümdə kişik şeylərdən xoşbəxt oluram. Məsələn telefonuma sevdiyim axtardığım ama çətin tapdığım mahnını yükləyəndə düz iki, üç gün özümü xoşbəxt hiss edirəm. Daha sonra dostlarımın xeyir işi olanda, uğurları olanda, ən az onlar qədər fərəh hiss keçirdirəm. Yolda gələn zaman ehtiyacı olan  insana kömək edərkən keçirdiyim hissi, heç bir Aqua-Parkda, əyləncə Mərkəzlərində və s yerlərdə keçirdə bilmərəm .

Ahmet Şerif İzgörənin sevdiyim kitabların biri olan “Moks- Başarıya gedən yol” (Uğura gedən yol) kitabını Türkiyədən dostum mənə gətirəndə keçirdiyim xoşbəxtçilik hislərini ilk dəfə maaş alanda belə keçirməmişəm .

İnanın hər ailədə, hər insanda ara-sıra bəzi problemlər olur sadəcə çətin zamanda bir birimizin yanında durub səninləyəm deməsi kifayətdir ki dünyaları dağıdaq, bütün problemlər həll edək. Sadəcə onu xüsusi vurğulamaq istəyirəm ki, maddi şeylərə görə bir birimizin qəlbini qırmayaq. Çünki lap milyonçu olsaq belə satın ala bilməyəcəyimiz şeylər vardır.

Bilmirəm nə vaxt bu yazını kimsə oxuyanda nə düşünəcək mən bu gün çox xoşbəxtəm. Ona görə ki, sevdiyim insan, ailəm sağ salamatdır və mənimlədir. Heç kim bir milyon manata bizə ata, ana yaxuda sevdiyimiz şəxsi verə bilməz buda bizim mənə görə olan həqiqətlərimizdir. Çox beyninizi yormayın. Sadəcə bir- birimizi sevək və bir-birimizə hörmət edək. Özünüzdən muğayat olun hər şey zamanla daha da yaxşıya doğru gedir . Əsas buna inanın. İnam hər şeyin başlanğıcıdır.

1 Comment

  1. Ruhengiz

    Birdekı dogurdan movzularınız ınsanı dusundurmeye ve pozitiv dusunceye sahıb olaga kokleyır..cox sagolun

    Reply

Leave a Comment

Your email address will not be published. Required fields are marked *

Please wait...

Yeni bloq yazılarımıza abunə olun

E-mail ünvanınızı daxil edin və sosial yönümlü bloq yazılarımıza abunə olun. Fikirinizi bildirməkdən çəkinməyin. Sizin fikirləriniz, yanaşmanız bizim üçün qiymətlidir. Təşəkkürlər!!!
Skip to toolbar